अजपा योगाचा रोडमॅप

नुकतीच श्रीगुरुपौर्णिमा होऊन गेली आहे. त्या निमित्ताने तुम्ही सगळ्यांनी बऱ्याच मार्गदर्शनपर गोष्टी वाचल्या, ऐकल्या, पाहिल्या असतील. कदाचित काही विशेष साधना सुद्धा केल्या असतील. त्यामुळे आज कोणतेही निरूपण किंवा क्लिष्ट श्लोक वगैरे घेत नाही.

श्रीगुरुपौर्णिमेच्या दिवशी माझ्या काही अजपा योगसाधकां बरोबर हितगुज करण्याच्या ओघात एक आकृती त्यांच्यासाठी काढली होती. तीच आज येथे देत आहे. या छोटेखानी आकृतीला मी "अजपा योगाचा रोडमॅप" असं म्हणतो. अजपा योगाचे सुरवात ते शेवट असे जवळजवळ सर्व महत्वाचे टप्पे त्यात दर्शवलेले आहेत.

योगमार्गावरील कोणतीही साधना प्रणाली हा एक सखोल अभ्यासाचा आणि प्रत्यक्ष आचरणाचा विषय असतो. केवळ वाचलेलं, ऐकलेलं, पाहिलेलं अनुभववजा ज्ञान येथे उपयोगी पडत नाही. योगमार्गावरून वाटचाल करत असतांना महत्वाचे टप्पे आणि अवस्था स्मरणात असतील तर वाट चुकत नाही. अर्ध्या हळकुंडाने पिवळे होण्याच्या आजच्या झटपट युगात साधकाचे पाय जमिनीवर टेकलेले असणे महत्वाचे आहे. त्या दृष्टीने हा रोडमॅप नेहमी लक्षात ठेवा. आपण कोणत्या स्तरावर आहोत आणि आपल्याला कोठे जायचे आहे त्याची नियमित चाचपणी आणि आत्मपरीक्षण करा.

बहुतेक साधकांसाठी आध्यात्मिक साधना मार्ग आणि त्यावरील प्रगती ही एक संथ आणि वेळखाऊ प्रक्रिया असते. जन्मोजन्मीचे संस्कार आणि प्रारब्ध भोग यांतून वाट काढत त्याला वाटचाल करायची असते. प्रवासातील गंतव्य स्थानाएवढाच प्रवास आणि प्रवासाचा कालखंड देखील महत्वाचा असतो. हा प्रवास आनंदी आणि ज्ञानप्रदायक कसा होईल हे पहाण्यात साधकाचा खरा कस लागत असतो. प्रवास मधेच सोडून न देता किंवा मार्ग मधेच न बदलता नेटाने मार्गक्रमण करणे ज्याला जमते त्यालाच अध्यात्माचा गड सर करणे शक्य होते.

आज या आकृतीचे विशेष काही विवरण वगैरे करत बसत नाही. माझ्या लेखांमधून अनेकवेळा या गोष्टी आपण कमी-अधिक प्रमाणात जाणून घेतल्या आहेत. कधीतरी वेळ मिळेल तेंव्हा परत एकदा या सगळ्यांची एकत्रितपणे उजळणी करीन. आजच्या साठी फक्त हा रोडमॅप --

योगसाधकांना मार्गदर्शन करण्यासाठी आणि त्यांना वाटचालीसाठी प्रेरित करण्यासाठी "जिये मार्गीचा कापडी । महेशु आझुनी" असलेला भगवान शंकर सर्व अजपा योग साधकांना आपला कृपाप्रसाद प्रदान करो या सदिच्छेसह लेखणीला विराम देतो.

हा लेख कॉपीराईट कायद्यांतर्गत सुरक्षित आहे. कृपया कोणत्याही प्रकारे पुनर्मुद्रित करू नये.

प्रिय वाचकांनो,

गेली अनेक वर्षे आम्ही आमच्या वेब साईटच्या माध्यमातून योग-अध्यात्म विषयक लेखन प्रसिद्ध करत आहोत. आम्ही कोणालाही आमचे लेखन अन्यत्र पुनर्मुद्रित करण्याची किंवा वापरण्याची परवानगी दिलेली नाही. तरीही काही लोकांनी आमचे लेखन अन्यत्र (उदा. फेसबुक पेज, व्हॉटस अॅप, ब्लॉग वगैरे) प्रकाशित केल्याचे आमच्या निदर्शनास आले आहे. मूळ लेखकाचे नाव आणि या वेब साईटचा दुवा देण्याचे सौजन्यही त्यांनी दाखविलेले नाही. काहींनी तर आमचे लेखन आपल्या स्वतःच्या नावे प्रसिद्ध केले आहे. या लोकांनी केलेले हे साहित्य चौर्य अर्थातच निंदनीय आणि खेदजनक आहे.

योग्य वेळ येताच भारतीय कायदा आपले कार्य करेलच परंतु आम्ही आमच्या सुजाण वाचकांना हे सूचित करू इच्छितो की त्यांनी अशा साहित्य चोरांपासून सावध रहावे. अशा लोकांशी आमचा कोणत्याही प्रकारचा संबंध नाही. ही वेब साईट हे आमचे लेखन प्रसिद्ध होण्याचे एकमेव अधिकृत स्थान आहे. आम्ही अन्य कोणालाही आमचे लेखन प्रसिद्ध करण्याची किंवा वापरण्याची परवानगी दिलेली नाही.

धन्यवाद.
~ वेब टीम